Four star game reserve, South Africa

Bosch Luys Kloof Aktiwiteite

Slegs beskikbaar vir inwonende gaste


Natuurritte

Avontuur 4x4 roetes

Met 'n verskeidenheid natuurroetes wat oor menige kilometer strek en 5 uitkyk punte insluit, bied Bosch Luys Kloof die geleentheid om besonderse Karoo-plante te ontdek, pragtige vistas te beleef, endemiese wild te sien en ‘n verskeidenheid van voëlspesies te geniet. Die natuurritte word in oop Land Rover besigtigingsvoertuie onderneem en duur ongeveer 2.5 ure. Nog roetes word verken.

‘n Interessante historiese roete is onlangs geopen en vertel ondermeer stories van die eerste bewoners van die gebied en hulle leefstyl. San rotskuns kan ook van nader bestudeer word mits u kans sien vir ‘n kort, maar steil stap!

Stap in die Natuur

Begeleide stappe

Bosch Luys Kloof se staproetes is ontwikkel om ons gaste Karoo Fauna en flora te laat verken en versteekte wonders van die natuur te beleef.

Staproetes wissel in moeilikheidsgraad en duur van 2.5 tot 4 ure. Die Reservaat beskik reeds met verskeie ontwikkelde roetes. Van die roetes moet deur ‘n gids begelei word na ooreengekom is oor ‘n gepaste roete n.a.v. weers- en natuursomstandighede.

U is ook welkom om maklike stap uitstappies te onderneem waaroor u by ons kan navraag doen.

Ons 4x4 roetes is ook beskikbaar vir stappers wat dit geheel of gedeeltelik kan stap en geniet. Dit loop almal deur baie mooi natuurlandskappe.

• "To Moer 'n Gone" Staproetes

Hierdie roete is op ons suid-westelike deel. Dit het pragtige uitsigte, plantegroei, ens. en uitsigpunte oor die Bosluiskloof canyon, Seweweekspoort Piek, Gamkapoort dam, ens. 'n Kort sirkelroete op die hoë dele "Kruine Roete" is slegs 4 km vir 'n vinniger uitstappie.

Die langer To Moer & Gone roete ( suster van To Hell & Gone roete) begin op dieselfde plek, gaan oor verskeie hoê dele en valleie in die rigting van die Lodge.

• Die Avontuur Roete - "Con se Pad"

Die uitstap begin by die Lodge en volg voetheuwels ooswaarts tot by die bekende "Prammetjie" koppie. Agter die koppie is 'n watergat vir diere en 'n voelkyk skuiling waar u kan vertoef. Die paadjie terug is deur die rivierbos, noord van die hoofpad tot by die lodge.

• Die historiese roete

Dit is 'n interessante uitstap weswaarts met 15 gemerkte ou interessanthede op die roete. ou trapsirkels, ou waterwiel gat, San grot, ens.

• 4x4 Roetes vir staproetes

Ons gaste vul hulle dae deur ook van ons baie mooi 4x4 roetes te stap! Gewild is veral die Ossewa en Ska'wagters roetes.

4x4 Natuurroetes

Ons 4x4-roetes is gemik op die genieting en waardering van die landskap, natuurskoon, en uitsigte, deur die hele familie.

Ons doel is om 3 roetes oor die reservaat te open wat die drie oorheersende landskappe en plantegroeistreke toeganklik sal maak vir ons gaste.

Vat 'n 4x4 roete aan

i) Ons eerste roete "To Hell & Gone" is nou al 'n bekende ervaring wat gaste van verskeie werelddele reedes geniet het. Die roete is aan die suidekant van die reservaat en strek oor afgesonderde bergfynbosgebied met pragtige uitsigte oor die Swartberge en Gamkaskloof (die Hel).
•Vanaf die lodge en terug is ongeveer 35km.
Graad 2/3.

Vat 'n 4x4 roete aan

ii) Die "Shepherd's Trail" wat ons in 2011 geopen het strek weer oor die noordelike deel van die reservaat oor die oop koppies, nekke en klowe in die meer tipiese Nama-karoo suid van die Elandsberge. Dit het ook lieflike uitsigte in alle rigtings en meer wild. Dit vertrek ook vanaf die lodge en eindig met 'n oorwinnaars-roete by Gamkapoortdam.
•Tot by die lodge terug is ongeveer 24km.
Graad 3.

Vat 'n 4x4 roete aan

iii) Ons derde en miskien die mooiste roete, die "Wagon Route to Beaufort" strek oor die klowe en koppe in die vallei-bos streek oor die middel deel van die reservaat (oos/wes). Dit is meer uitdagend maar tegelyk ook spesiaal! Ons is nou 4 keer deur met ons Land Rover Defender en 4x4 entoesiaste kan dit nou maar kom geniet. Slegs voertuie met laestrek en ewenaarslotte is geskik. Jy het ook 'n navigator nodig.
Graad 5.

Al drie roetes het baie interessante stories om te vertel uit die geskiedenis.

Al drie roetes is natuurlik ook oop vir stappers wat dele kan stap en geniet.

Bergfiets ry en “Trail Running”

Bergfietsroetes raak gewild by Bosch Luys Kloof

U kan ook Bosch Luys Kloof se besonderse topografie, landskappe en natuurskoon vir ‘n onvergeetlike bergfietsrit benut. Bring u eie fiets(e) en alles wat u nodig het saam en ontdek die Karoo op ‘n unieke manier!
Die reservaat raak gewild met fietsryers. Die ruiters geniet die veiligheid van die private paaie en spore. Uiterste ruiters daag ons 4x4 roetes met groot opgewondenheid.
Dieselfde met “trail runners”. Ons beplan die uitbreiding en verbetering van die Jeep- en enkelspore.

Trail running at Bosch Luys Kloof
Trail running at Bosch Luys Kloof

Sterrekyk

Vanaf die Lodge se ruim voorstoep kan u Suider Afrika se wonderlike sterreruim geniet met die hulp van slegs ‘n verkyker. Die Reservaat is ver van enige bronne van lugbesoedeling en stadsligte wat so ‘n ervaring kan belemmer en die aande met ‘n oop hemelruim is ver in die meerderheid.

Spirituele ervarings

'n Besoek aan Bosch Luys Kloof neem jou weg uit die daaglikse vinnige lewe in die stad. Die reservaat is gelee aan die einde van 'n cul-de-sac en bied stilte en vrede vir die wat wil afwen. Geen selfoon ontvangs is 'n bonus - klank trek ver in hierdie skoon wêreld en niemand wil mekaar se gesprekke volg nie! Die stilte sal jou weer jouself laat ontdek. Vir 'n spirituele ervaring het ons twee ervarings geskep.

Die spirituele uitsigkoppie

Die kort stappie bokant die chalets neem jou deur ses fases van 'n universele gebed. Jy eindig bo-op 'n koppie wat uitkyk oor die reservaat - verwyl 'n tydjie daar. 'n Mooi begin vir 'n nuwe dag. 'n Blaadjie om jou te lei is by ontvangs.

Die petite chatres "doolhof"

Die klein doolhof is naby die lodge. Dit was ontwerp so 800 jaar gelede in Frankryk en bestaan uit 7 klein sirkels. Die vier elemente is Oos, Noord, Wes en Suid en verteenwoordig - in daardie orde - Opgewondenheid, inspirasie, vreugde en tevredenheid. 'n Blaadjie om jou te lei is by ontvangs.

Niksdoen

Die rustige atmosfeer van die Lodge en chalets, die rustige natuurritte, kroegdek wat uitkyk op bos en berg, koel water van die swembad en heerlike cuisine sal u volkome laat ontspan.'n gevoel wat elke siel broodnodig het. Niksdoen is ‘n opsie!

Groot Vyf-Uitsigte

Kinders geniet die uitsig

Besoek Bosch Luys Kloof en ervaar ons unieke Groot Vyf. Iets wat baie min mense vantevore ervaar het! Afhangende van die lengte van u verblyf sal u een of meer van die uitsigte besoek tydens die natuurrit(te).

Die top vyf uitkykpunte op die Reservaat is sorgvuldig gekies om Bosch Luys Kloof se Groot Vyf saam te stel. Elk van die uitkykpunte is uniek met ‘n eiesoortige sjarme. Die uitsigte is spesiaal en "prentjies" daarvan sal vir lank na u besoek nog in u gedagtes opduik.

Omgewingsattraksies

Tydens u verblyf kan u interessante Passe, Klowe en Uitsigpaaie verken. Seweweekspoort en Huisrivierpas huisves beide pragtig formasies van ingeplooide en gevoude sediment lae terwyl Roete 62 ‘n verskeidenhed van Padstalle, restourante en kroeë akkommodeer. Ontdek ons plaaslike dorpies en ervaar ware Karoo gasvryheid. Ladismith bied uitstekende plaaslike wyne en kaas terwyl Calitzdorp alom bekend staan as die Port-Hoofstad! Leer meer oor die Ou Sendingstasie en Lutherse Kerk op Amalienstein en oor die boerdery aktiwiteite in die plaaslike Vleiland area waar daar onder andere vrugte, lusern en groentesaad geproduseer word en met diere soos skape en volstruise geboer word.

Copyright © 2018 Bosch Luys Kloof   •   Site by: WebWorX